ថ្មីៗនេះ ប្រជាកសិករនៅស្រុកមោងឬស្សី ខេត្តបាត់ដំបង បាននាំគ្នាតវ៉ាដោយបិទកំណាត់ផ្លូវជាតិ៥ ដើម្បីស្នើឲ្យរដ្ឋាភិបាលជួយរកទីផ្សារលក់ស្រូវ ដែលពួកគេទើបប្រមូលបាននៅដើមឆ្នាំ២០២៥ នេះ។ រដ្ឋមន្ត្រីក្រសួងកសិកម្មអះអាងថា កង្វះទីផ្សារលក់ស្រូវពេលនេះ ដោយសារតែកសិករសម្រុកដាំស្រូវ OM ដែលជាពូជនាំចូលពីបរទេស (វៀតណាម)។ តាមអ្នកជំនាញ ពូជស្រូវ OM នេះគឺសម្រាប់តែនាំចេញទៅវៀតណាម។ តែដោយវៀតណាមមិនចូលទិញ ឆ្នាំនេះក៏ធ្វើឲ្យស្រូវរបស់កសិករខ្មែរត្រូវកកស្ទះ។ ក្នុងបទសម្ភាសជាមួយវិទ្យុបារាំងអន្តរជាតិ RFI នៅថ្ងៃទី១៤ ខែមករា លោក ប្រាក់ សេរីវឌ្ឍន៍ ប្រធានវិទ្យាស្ថានស្រាវជ្រាវ និងអភិវឌ្ឍន៍ជនបទកម្ពុជា(CIRD) បញ្ជាក់ថា ការដាំពូជស្រូវ OM ពិតជាទទួលបានទិន្នផលខ្ពស់ តែត្រូវពឹងលើឈ្មួញបរទេសដើម្បីលក់ចេញ៕ ប្រជាកសិករនៅ ខេត្តបាត់ដំបង បាននាំគ្នាតវ៉ាដោយបិទកំណាត់ផ្លូវជាតិ៥ នៅពេលថ្មីៗនេះ © FB
ប្រភពព័ត៌មាន ៖ វិទ្យុបារាំងអន្តរជាតិ RFI www.rfi.fr/kh
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖
E-mail : grdp.senatekh@gmail.com
