ក្រសួងធនធានទឹក និងឧតុនិយមបានប្រកាសនៅថ្ងៃអង្គារ ទី២០ សីហានេះថា ចាប់ពីថ្ងៃទី២១ រហូតដល់ថ្ងៃទី៣១ ខែសីហា ឆ្នាំ២០២៤ ប្រទេសកម្ពុជានឹងមានភ្លៀងធ្លាក់គ្របដណ្តប់ស្ទើរទូទាំងប្រទេស និងមានកំរិតខ្ពស់ជាងមធ្យមភាគច្រើនឆ្នាំ នៅតំបន់មួយចំនួន រួមមានតំបន់វាលទំនាប ខ្ពង់រាប មាត់សមុទ្រ ជួរភ្នំ និងតំបន់ភ្នំ។ លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម បានប្រាប់វិទ្យុបារាំងអន្តរជាតិ RFI នៅថ្ងៃអង្គារ នេះថា ភ្លៀងនឹងចាប់ផ្តើមធ្លាក់ នៅទូទាំងប្រទេស ដោយសារតែបាតុភូត អ៊ិចស្ត្រាត្រូពិកស៊ីក្លូន បានបញ្ចប់ ហើយខ្យល់មូសុងនិរតីបានចាប់ផ្តើមបង្កើនឥទ្ធិពលឡើងវិញ រួមនឹងឥទ្ធិពលនៃបាតុភូតឡានីញ៉ា ដែលមានការកើនឡើង។ លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក © សហការី
ប្រភពព័ត៌មាន ៖ វិទ្យុបារាំងអន្តរជាតិ RFI https://www.rfi.fr/kh
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖
E-mail : grdp.senatekh@gmail.com