ក្រសួងទេសចរណ៍ឲ្យចំណាត់ថ្នាក់ខេត្តព្រះសីហនុជាប់លេខ១ ក្នុងការប្រកួតប្រជែងទីក្រុង ដែលមានពិធីបុណ្យឆ្លងឆ្នាំសកលល្អជាងគេប្រចាំឆ្នាំ ដែលរៀបចំឡើងកាលពីថ្ងៃទី៣១ធ្នូ២០២៣។ ចំណែកខេត្តបាត់ដំបងជាប់ចំណាត់ថ្នាក់លេខ២ និងខេត្តសៀមរាប ជាប់ចំណាត់ថ្នាក់លេខ៣។ ចំណាត់ថ្នាក់នេះគឺផ្តោតទៅលើការតុបតែងរចនាលម្អ អនាម័យ និងបរិស្ថាន សន្តិសុខ សុវត្ថិភាព និងសណ្តាប់ធ្នាប់ ភាពពេញចិត្ត និងការចូលរួមសប្បាយរីករាយរបស់ភ្ញៀវទេសចរណ៍។ បើតាមសេចក្តីប្រកាសរបស់គណកម្មាធិការជាតិវាយតម្លៃទីក្រុងស្អាត ការផ្តល់ចំណាត់ថ្នាក់នេះ គឺយោងលើការបោះឆ្នោតពីសាធារណជនតាមរយៈគេហទំព័រផ្លូវការដែលមានឈ្មោះថា https://bestcountdowncity.cambodiacleancity.com។ ប៉ុន្តែអ្នកធ្វើការងារខាងទេសចរណ៍នៅក្រៅរដ្ឋាភិបាល លោក ម៉ម រិទ្ធី មិនយល់ស្របនឹងផ្តល់ចំណាត់ថ្នាក់នេះទេ។ តាមលោក ម៉ម រិទ្ធី ខេត្តបាត់ដំបងដែលនៅតែមានផ្លូវខូចជាច្រើន និងបរិស្ថានអ៊ួអាប់ តែបែរជាប់លេខ២ទៅវិញ។
ប្រភពព័ត៌មាន៖ វិទ្យុបារាំងអន្តរជាតិ RFI https://www.rfi.fr/kh
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖
E-mail : grdp.senatekh@gmail.com
