ចេញផ្សាយថ្ងៃទី០២ ខែតុលា ឆ្នាំ២០២០

​របាយការណ៍​របស់​អគ្គ​នាយកដ្ឋាន​កៅស៊ូ​នៃ​ក្រសួង​កសិកម្ម រុក្ខាប្រមាញ់ និង​នេសាទ​បានឱ្យដឹងថា​ប្រទេស​កម្ពុជា​បាន​នាំចេញ​កៅស៊ូ​ស្ងួត​ចំនួន២០៩,៨១៩តោន​ក្នុង​រយៈពេល៩ខែ ឆ្នាំ ២០២០ គឺ​កើនឡើង២១% បើ​ប្រៀបធៀប​នឹង​រយៈពេល​ដូចគ្នា​កាលពី​ឆ្នាំមុន​។ ក្នុងនោះដែរ​ ទទួលចំណូលសរុប២៧១លានដុល្លារ ពីការនាំចេញទំនិញនេះ ក្នុងអំឡុងខែមករាដល់ខែកញ្ញាក្នុងឆ្នាំនេះ គឺកើនឡើង១៧% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។

យោងតាម​របាយការណ៍​បាន​បង្ហាញថា រហូតមកដល់​បច្ចុប្បន្ន​នេះ ប្រទេស​កម្ពុជា​បាន​ដាំ​ដើម​កៅស៊ូ​លើ​ផ្ទៃដី​សរុប៤០២ ៣១៣ហិកតា​ដែល​ក្នុងនោះ​ផ្ទៃដី២៩០ ០០៧ហិកតា ឬ៧២ %​អាច​ទទួលបាន​ទន្ន​ផល​៕ ដកស្រង់ដោយ៖ ការិ.ស្រាវជ្រាវកិច្ចការបរិស្ថាន  ប្រភពព័ត៌មាន៖ គេហទំព័រសារព័ត៌មានខ្មែរថាម https://www.khmertimeskh.com/50778786/%E1%9E%80%E1%9E%9A%E1%9E%93%E1%9E%85%E1%9E%89%E1%9E%80%E1%9E%9F%E1%9E%9A%E1%9E%94%E1%9E%9F/