ចេញផ្សាយថ្ងៃទី០៨ ខែតុលា ឆ្នាំ២០២០
ទីភ្នាក់ងារវិទ្យាសាស្ត្រជាតិអូស្ត្រាលី បានប្រកាសថា បាតសមុទ្ររបស់ពិភពលោក ត្រូវបានគ្របដណ្ដប់ដោយសំណល់បា្លស្ទិកតូចៗប្រមាណ១៤លានតោន។ សំណល់ប្លាស្ទិកនេះ បានបំបែកចេញពីគំនរសំរាមមានទំហំដែលហូរចូលមហាសមុទ្រជារៀងរាល់ឆ្នាំ។ ក្រុមអ្នកស្រាវជ្រាវនៅទីភ្នាក់ងារ CSIRO របស់អូស្ត្រាលី បានប្រើនាវាមុជទឹកដើម្បីប្រមូលយកគំរូពីកន្លែងដែលមានជម្រៅរហូតដល់៣,០០០ម៉ែត្រនៅឆ្នេរភាគខាងត្បូង។ អ្នកស្រាវជ្រាវមានការភ្ញាក់ផ្អើលចំពោះការរកឃើញកាកសំណល់ផ្លាស្ទិកតូចៗយ៉ាងច្រើននៅក្នុងទីតាំងដ៏ជ្រៅបែបនេះ។ លោក Justine Barrett ដែលដឹកនាំការសិក្សានេះ បាននិយាយថា៖ «កាកសំណល់ ដែលហូរដល់សមុទ្រ នឹងខូចខាតទ្រង់ទ្រាយ ហើយចុងបញ្ចប់វានឹងទៅជាកាកសំណល់ប្លាស្ទិកតូចៗលទ្ធផលបង្ហាញថា កាកសំណល់បា្លស្ទិកតូចៗពិតជាកំពុងលិចទៅក្នុងបាតមហាសមុទ្រ»។ អ្នកស្រាវជ្រាវបានអំពាវនាវឱ្យមានវិធានការបន្ទាន់ដើម្បីរកដំណោះស្រាយចំពោះការបំពុលប្លាស្ទិកសមុទ្រនេះដែលបានធ្វើឲ្យប៉ះពាល់ដល់ប្រព័ន្ធអេកូឡូស៊ី សត្វ និងសុខភាពមនុស្ស។ បើតាមលោកស្រី រដ្ឋាភិបាល វិស័យឯកជន និងសហគមន៍ទាំងឡាយ ចាំបាច់ត្រូវធ្វើការរួមគ្នាដើម្បីកាត់បន្ថយបរិមាណសំរាមនៅតាមឆ្នេរសមុទ្រ និងក្នុងមហាសមុទ្រ។ ដកស្រងដោយ៖ ការិ.ស្រាវជ្រាវកិច្ចការបរិស្ថាន ប្រភពព័ត៌មាន៖ គេហទំព័រសារព័ត៌មានថ្មីៗ https://www.thmeythmey.com/?page=detail&id=96388
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖
E-mail : grdp.senatekh@gmail.com
