ចុះផ្សាយ៖ ថ្ងៃទី០៧ ខែតុលា ឆ្នាំ២០២០

អាជីវកម្មរថយន្តនៅកម្ពុជា ត្រូវបានមើលឃើញថាមានការធ្លាក់ចុះ ទាំងការលក់ និងការនាំចូល ប្រមាណ ៣០ ភាគយ ដោយសារតែផលប៉ះពាល់នៃជំងឺកូវីដ-១៩។ តួលេខពីក្រសួងសេដ្ឋកិច្ច និងហិរញ្ញវត្ថុ បានបង្ហាញថា វិបត្តិជំងឺកូវីដ-១៩ បានធ្វើឱ្យការនាំចូលរថយន្តមកកម្ពុជា ធ្លាក់ចុះប្រមាណជាង ១៣ ពាន់គ្រឿង បើប្រៀបធៀបនឹងរយៈពេល ៦ ខែដំបូង ក្នុងឆ្នាំ២០១៩។ គួរបញ្ជាក់ថា ក្នុងរយៈពេល ៦ ខែដំបូង នៃឆ្នាំ២០២០ ការនាំចូលយានយន្ត មានចំនួនត្រឹមតែប្រមាណ ៣៥,៨០៧ គ្រឿង បើប្រៀបធៀបនឹងរយៈពេលដូចគ្នានេះ ក្នុងឆ្នាំ២០១៩ គឺមានចំនួនរហូតដល់ ៤៨,៨៩២ គ្រឿង។

ទន្ទឹមនឹងនេះដែរ ប្រាក់ចំណូលពីការនាំចូលយានយន្ត និងគ្រឿងម៉ាស៊ីន ដែលមានចំនួនប្រមាណ ៤២.៤ ភាគរយ នៃប្រាក់ចំណូលពីការនាំចូលសរុប ក៏បានធ្លាក់ចុះមកត្រឹម ៣១.៥  ភាគរយ ក្នុងឆមាសទី១ ឆ្នាំ២០២០។ លើសពីនេះ កម្ពុជាបានប្រមូលពន្ធគយ និងអាករ ចំនួនជាងប្រមាណ ១.២ ប៊ីលានដុល្លារអាមេរិក ក្នុងរយៈពេល ៦ ខែដំបូងនេះ ដែលធ្លាក់ចុះប្រមាណ ២២ ភាគរយ បើប្រៀបធៀបនឹងរយៈពេលដូចគ្នា ក្នុងឆ្នាំ២០១៩។ ដកស្រង់ដោយ៖ ការិ.ស្រាវជ្រាវកិច្ចការសេដ្ឋកិច្ច ប្រភពព័ត៌មាន៖ គេហទំព័រសារព័ត៌មានខ្មែរថាម https://www.khmertimeskh.com/50770579/car-industry-slumps-by-30-as-purchasing-power-wanes/