ចុះផ្សាយថ្ងៃទី២២ ខែកញ្ញា ឆ្នាំ២០២០

ការនាំចេញ​ផលិតផល​កសិកម្ម​ពី​ប្រទេស​កម្ពុជា​ទៅកាន់​ទីផ្សារ​អន្តរជាតិ​សម្រេច​បាន​ជាង​ ៣ ​លាន​តោន ​ត្រឹម​ពាក់កណ្តាល​ខែកញ្ញា ឆ្នាំ២០២០។ គិត​ត្រឹម​ថ្ងៃទី​ ១១ ខែ​កញ្ញា កម្ពុជា​បាន​នាំចេញ​ផលិតផល​កសិកម្ម​សម្រេច​បាន​ចំនួន ៣ ០៣៩ ០៣០ តោន​ ដែល​មាន​ភាពប្រកៀកប្រកិត​គ្នា​នឹង​រយៈពេល​៩​ខែ ​ពេញ​នៃ​ឆ្នាំ​២០១៩ ​ដែល​មាន​ចំនួន ៣ ០៦៥ ៥៥៥ តោន​។ ការនាំចេញ​អង្ករ​សម្រេច​បាន ៤៦៣ ៨០៥ តោន ដំឡូងមី​ស្រស់ ចំណិត​ដំឡូងមី​ក្រៀម និង​ម្សៅដំឡូងមី​ជាង​ ១,៧ លាន​តោន គ្រាប់​ស្វាយចន្ទី ២០២ ២០៧តោន ចេកអំបូង​លឿង​ស្រស់ ២១៣ ៤៨៦ តោន ស្វាយ​ស្រស់ និង​ដំណាប់​ស្វាយ ៥៦ ៥៩០តោន ម្រេច៣ ៩៥៩ តោន ដូងប្រេង៤១ ៩៧០ តោន ថ្នាំជក់៥ ៣៧៦ តោន​។ ការនាំចេញ​គ្រាប់​សណ្តែកបាយ​សម្រេច​បាន​ ៣ ៨៧៦តោន គ្រាប់ពោត ១៩៣ ៦៦០តោន បន្លែ​៨៤តោន ដំឡូងជ្វា២ ៨៦៥តោន ម្ទេស​ស្រស់​ និង​ម្ទេស​ក្រៀម ៥២ ៦២១ តោន ក្រូច​ត្លុង ១៥ ១៥០ តោន​ និង​ផលិតផល​ផ្សេងៗ​ទៀត​ចំនួន៥៥ ៤២០ តោន​។ ប្រទេស​កម្ពុជា​បាន​នាំចេញ​ផលិតផល​កសិកម្ម​ទៅកាន់​ទីផ្សារ​អន្តរជាតិ​មានតម្លៃ ​១ ៥០០ លាន​ដុល្លារ​ កាលពី​ឆ្នាំ​២០១៩ កើន​ពី​ជិត​ ១​ពាន់​លាន​ដុល្លារ​ កាលពី​ឆ្នាំ​ ២០១៣​។ យោងតាម​ទិន្នន័យ​ពី​ក្រសួង​កសិកម្ម​រុក្ខា ប្រមាញ់ និង​នេសាទ​ប្រទេស​កម្ពុជា​បានចេញ​ផលិតផល​កសិកម្ម​ចំនួន ៦១ មុខ​ទៅ ៥៩ ​ប្រទេស ដោយ​អង្ករ​ជា​ផលិតផល​លេចធ្លោ​ក្នុង​ការនាំ​ចេញ​ទៅ​ទីផ្សារ​អន្តរជាតិ។ ដកស្រង់ដោយ៖ ការិ. ស្រាវជ្រាវកិច្ចការបរិស្ថាន ប្រភពព័ត៌មាន៖ គេហទំព័រសារព័ត៌មានភ្នំពេញប៉ុស្តិ៍ https://www.postkhmer.com/%E1%9E%9F%E1%9F%81%E1%9E%8A%E1%9F%92%E1%9E%8B%E1%9E%80%E1%9E%B7%E1%9E%85%E1%9F%92%E1%9E%85/%E1%9E%80%E1%9E%98%E1%9F%92%E1%9E%96%E1%9E%BB%E1%9E%87%E1%9E%B6%E1%9E%93%E1%9E%B6%E1%9F%86%E1%9E%85%E1%9F%81%E1%9E%89%E1%9E%80%E1%9E%9F%E1%9E%B7%E1%9E%80%E1%9E%98%E1%9F%92%E1%9E%98%E1%9E%87%E1%9E%B6%E1%9E%84-%E1%9F%A3-%E1%9E%9B%E1%9E%B6%E1%9E%93%E1%9E%8F%E1%9F%84%E1%9E%93