ចុះផ្សាយ៖ ថ្ងៃទី ០២ ខែកញ្ញា ឆ្នាំ ២០២០

យោងតាមគ្រឹះស្ថានអង្គរ ដែលជាស្ថាប័នគ្រប់គ្រងដោយរដ្ឋ ទទួលបន្ទុកគ្រប់គ្រងប្រាក់ចំណូលអង្គរ បានឱ្យដឹងថា អង្គរទទួលបានភ្ញៀវទេសចរបរទេសចំនួន ៣៩៣,២៩៣ នាក់ ក្នុងរយៈពេល ៨ ខែដំបូង នៃឆ្នាំនេះ ដោយរកចំណូលបានប្រមាណ ១៨,៣៣២,០១១ ដុល្លារ អាមេរិក។ យ៉ាងណាមិញ ចំនួននេះ បង្ហាញពីការធ្លាក់ចុះយ៉ាងខ្លាំងប្រមាណ ៧៤.៦៦ ភាគរយ ខណៈប្រាក់ចំណូលបានធ្លាក់ចុះប្រមាណ ៧៣.៦១ ភាគរយ បើប្រៀបធៀបនឹងរយៈពេលដូចគ្នានេះ កាលពីឆ្នាំមុន។ គួរបញ្ជាក់ផងដែរថា បើគិតតែនៅក្នុងខែសីហា សំបុត្រចូលទស្សនា អង្គរ ត្រូវបានលក់ទៅឱ្យភ្ញៀវទេសចរបរទេសចំនួន ៣,៦៦៣ នាក់ ដែលរកបានប្រាក់ចំណូលប្រមាណ ១៦១,០២១ ដុល្លារអាមេរិក។ ដកស្រង់ដោយ៖ ការិ. ស្រាវជ្រាវកិច្ចការសេដ្ឋកិច្ច  ប្រភពព័ត៌មាន៖ គេហទំព័រសារព័ត៌មានខ្មែរថាម https://www.khmertimeskh.com/50759735/angkor-resort-received-400000-tourists-in-first-eight-months/