នគរបាលជំនាញប្រឆាំងគ្រឿងញៀន និងស្ថាប័នពាក់ព័ន្ធ បានសហការបង្ក្រាបបទល្មើសជួញដូរគ្រឿងញៀន ១ករណី កាលពីខែកក្កដា ដែលមានបណ្ដាញចាត់តាំងនៅក្នុងខណ្ឌកំបូល ជ្រោយចង្វារ និងដង្កោ ដោយរឹបអូសបានគ្រឿងញៀនប្រភេទមេតំហ្វេតាមីន និងសារធាតុគីមីផ្សំជាង ៣ តោន និងឃាត់ខ្លួនបុរសជនជាតិចិនម្នាក់ និងជនបរទេសម្នាក់ទៀតគ្មានអត្តសញ្ញាណ។ ជនសង្ស័យទាំង ២ ត្រូវបានសាលាដំបូងរាជធានីភ្នំពេញចោទប្រកាន់ និងបញ្ជូនទៅពន្ធនាគារឃុំខ្លួនបណ្តោះអាសន្ន កាលពីសប្តាហ៍មុន។ ក្នុងប្រតិបត្តិការបន្តបន្ទាប់រហូតដល់ម្សិលមិញ សមត្ថកិច្ចដកហូតបានសារធាតុគីមីចំនួន ១១មុខ សរុបទាំងមុន និងក្រោយមានទម្ងន់ ៣,១៤៦.១៩ គីឡូក្រាម និងបន្តចុះឆែកឆេរទីតាំងរក្សាទុកម៉ាស៊ីនសម្រាប់ផលិតជាថ្នាំញៀនគ្រាប់មួយកន្លែងទៀតស្ថិតក្នុងខណ្ឌដង្កោ ដោយរឹបអូសបានម៉ាស៊ីនអុកគ្រាប់ថ្នាំញៀនចំនួន ២ គ្រឿង និងពុម្ពគ្រាប់ថ្នាំញៀនចំនួន១៤ ដែលក្រុមជនសង្ស័យប្រើប្រាស់សម្រាប់ផលិតគ្រឿងញៀន និងមានបំណងនាំចេញទៅកោះតៃវ៉ាន់។ រៀបរៀងដោយ៖ ការិ.ស្រាវជ្រាវកិច្ចការអភិបាលកិច្ចប្រភពព័ត៌មាន៖ គេហទំព័រសារព័ត៌មានភ្នំពេញប៉ុស្តិ៍ https://www.postkhmer.com
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ៖
E-mail : grdp.senatekh@gmail.com
