ទិន្នន័យរបស់ក្រសួងទេសចរណ៍ថៃ កាលពីថ្ងៃពុធនេះ បានបង្ហាញថា ចំនួនភ្ញៀវទេសចរបរទេស ដែលចូលមកប្រទេសថៃ មានការធ្លាក់ចុះ គួរឱ្យកត់សម្គាល់ ប្រមាណ ៦៦ ភាគរយ គឺមកនៅត្រឹម ៦.៦៩ លាននាក់ប៉ុណ្ណោះ នៅចន្លោះខែមករា និងខែមិថុនា ក្នុងឆ្នាំ ២០២០។ ជាមួយគ្នានេះ ការចំណាយរបស់ភ្ញៀវទេសចរបរទេស មានចំនួនប្រមាណ ៣៣២ ប៊ីលានបាត ដែលបានធ្លាក់ចុះ ៦៥ ភាគរយ បើប្រៀបធៀបទៅនឹងឆ្នាំមុន។

គួរបញ្ជាក់ថា ប្រទេសថៃមានចំនួនភ្ញៀវទេសចរបរទេសសរុប ៣៩.៨ លាននាក់ នៅក្នុងឆ្នាំ ២០១៩ ហើយបើគិតតែនៅក្នុងខែមិថុនា ឆ្នាំ ២០១៩ ភ្ញៀវទេសចរបរទេស មានចំនួន ៣.០៥ លាននាក់ និងបានចំណាយថវិកាសរុបប្រមាណ ១៣១ ប៊ីលានបាត។

តាមរយៈការព្យាករណ៍របស់ធនាគារកណ្ដាល ចំនួនភ្ញៀវទេសចរបរទេស នឹងធ្លាក់ចុះប្រមាណ ៨០ ភាគរយ នៅក្នុងឆ្នាំ ២០២០ នេះ មកនៅត្រឹម ៨ លាននាក់។ រៀបរៀងដោយ៖ ការិ. ស្រាវជ្រាវកិច្ចការសេដ្ឋកិច្ចប្រភពព័ត៌មាន៖ គេហទំព័រសារព័ត៌មាន បាងកកប៉ុស្តិ៍ https://www.bangkokpost.com/business/1959271/tourist-arrivals-slump-66-y-y