ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានលើកទឹកចិត្តឱ្យមានការចូលរួមគាំទ្រដល់មូលនិធិដំរីអៃរាវត្តា ដែលមូលនិធិនេះ សហការជាមួយក្រសួងបរិស្ថាន និងក្រសួងស្ថាប័ន អាជ្ញាធរមានសមត្ថកិច្ចដែលពាក់ព័ន្ធ អនុលោមតាមគោលនយោបាយរបស់រាជរដ្ឋាភិបាល ព្រមទាំងច្បាប់ និងលិខិតបទដ្ឋានជាធរមានរបស់ព្រះរាជាណាចក្រកម្ពុជា ដើម្បីកិច្ចការអភិរក្សសត្វដំរីនៅកម្ពុជា (បច្ចុប្បន្នសត្វដំរីក្នុងសមាគមអភិរក្សដំរីអៃរាវត្តា មានចំនួន៣ក្បាល នៅក្នុងខេត្តរតនគីរី ហើយកន្លងទៅថ្មីៗនេះ ដំរីមួយក្បាលបានស្លាប់)។ គូសបញ្ជាក់ថា កន្លងមកក្រសួងបរិស្ថានតាមរយៈមូលនិធីបរិស្ថាននិងសង្គម បានជួយដល់សមាគមក្នុង១ឆ្នាំមានទឹកប្រាក់ ចំនួន២០០០០ដុល្លារ ចាប់ពីឆ្នាំ២០១៩ សម្រាប់ការងារអភិរក្ស និងការបង្កាត់ពូជសត្វដំរីបន្ថែមទៀត ដើម្បីបង្កើនបរិមាណសត្វដ៍កម្រនៅក្នុងតំបន់។ រៀបរៀងដោយ៖ ការិ.ស្រាវជ្រាវកិច្ចការបរិស្ថានប្រភពព័ត៌មាន៖ គេហទំព័រក្រសួងបរិស្ថាន https://www.moe.gov.kh/index/23559 ចុះផ្សាយថ្ងៃទី២៤ ខែកក្កដា ឆ្នាំ២០២០